Кече Кайбыч авылында туып, бүгенге көндә Имәнле Бортас авылында яшәүче кадерле әнкәебез Шәмсенур Галимулла кызы Сабитованың 9 июньдә 90 яшьлек юбилее

Эшләп үстек кечкенәдән, 
Гаилә ишле иде анысы. 
Йөрәк барлый күпме хатирә –
Төштә генә кебек барысы... 
Безнең өчен җаваплылык 
Булды әткәй өстендә. 
Җиде малай, ике кыз дип, 
Кызганмады көчен дә. 
Әткәебез мәхрүм инде... 
Җәннәтләрдә – урыны түрдән булсын иде. 
Изге айда багышланган догаларны 
Бер Ходаем кабуллардан кылсаң иде! 
Әткәй-әнкәй тәрбиясе 
Ныклы нигез иманыбызга. 
Ә әнкәйнең фатихасы 
Җылылык бирә җаныбызга. 
90 сиңа, әнкәй! Гомерең буе 
Килмәгәндер нинди генә авырлыклар.
Син җиңгәнсең, зарланмыйча, 
Чөнки синдә – иң зур сыйфат, 
Күркәм сыйфат – сабырлык бар! 
Рәхәт яшә, әнкәй, тыныч яшә, 
Син бит лаек моңа бершиксез. 
Изге теләк безнең йөрәкләрдән. 
Яшь тә чыга, никтер, ирексез... 
Сәламәтлек бирсен Хак Тәгалә- 
Озак еллар укы догаңны. 
Фәрештәдәй саклый алар җирдә 
Гомер биргән һәрбер балаңны. 

Барлык уллары, кызлары, кияү-киленнәре, оныклары, оныкчыклары исеменнән, әнкәй янында тәрбия кылып торучы улы Шәяхмәт.