Кошман авыл җирлеге башлыгының олуг юбилее!

Бүген күп еллар дәвамында бар көчен, тәҗрибәсен һәм һөнәри осталыгын Кошман авылы халкының яшәү рәвешен яхшырту максатында намус белән хезмәт итүче Лилия Рәшит кызы Сафинаның 50 яшьлек күркәм гомер бәйрәме. 
Хөрмәтле Лилия Рәшитовна, сезне юбилеегыз белән котларга рөхсәт итегез! 50 яшь – кеше өчен иң актив яшәү чоры. Сез үзегезне таләпчән, хезмәт сөючән, булдыклы җитәкче итеп таныттыгыз. Хезмәтегезне һәрчак күңел җылысын салып башкарасыз. Эшчәнлегегезнең уңышлы нәтиҗәләре артында гаять зур хезмәт, эшкә заманча якын килү, принципиаль лек, зур оештыру сәләте һәм сезгә хас булган эшлеклелек, кешелеклелек сыйфатлары ята. Үтә җаваплы хезмәтегездә зур дәрәҗәдәге хөкүмәт бүләкләренә ия булуыгыз – гомер юлыгыздагы изге эшләрегезнең матур нәтиҗәсе. Юбилей – ул һәрчак бер этап, һәрвакыт үткәннәргә борылып карау, якынча нәтиҗәләр ясау, яшәлгән еллар турында уйлану һәм шуның белән бергә – булачак вакыйгаларны, перспективаларны барлау, яңа омтылышлар, максатлар һәм хыяллар да. Шушы әһәмиятле көндә без сезгә чын күңелдән иң кыю планнарыгызның тормышка ашуын телибез. Тормышыгызны һәрвакыт җан җылысы, якыннарыгызның һәм туганнарыгызның, дусларыгызның, хезмәттәшләрегезнең ярдәме тулыландырып торсын. Сәламәтлек, бетмәс - төкәнмәс көч, энергия, йортыгызда бәхет, иминлек хөкем сөрсен, ә янәшәгездә бары тик якыннарыгыз һәм дусларыгыз булсын. Сезнең искиткеч һөнәри һәм шәхси сыйфатларыгыз белән эшлекле абруегыз әле тагын күп еллар туган төбәгебез Кошманыбызның чәчәк атуына уңышлы хезмәт итсен. 
Хезмәтегез хөрмәт җимеше биргән, 
Уңыш ачкычын тапкан кеше сез. 
Яшьлекнең үзен сүрелдермичә, 
Гасыр буена саклар төсле сез. 

Иң изге теләкләр белән:  Кошман авыл җирлеге коллективы, мәдәният йорты хезмәткәрләре.