Олы Урсак авылында яшәүче әниебез Әлфинур Вәдыйгулла кызы белән әтиебез Рәшит Габдрахман улы Биктаһировларның 2 гыйнварда бергә гаилә корып яшәүләренә 50 ел тула

Кадерле әти-әниебез, дәү әти-дәү әниебез! Сезне алтын туегыз белән ихлас күңелдән котлыйбыз. Бер-берегезгә терәк булып, бер-берегезгә кирәк булып, шатлыгын да, кайгысын да бергә уртаклашып, 19750 көн гомер кичергәнсез. Илаһи дөньяның саф һавасын сулап, аның гүзәллеген күреп, тәмле ризыкларын татып, туганнарыгыз белән гөрләшеп яшәргә тагын бик күп еллар насыйп булсын!
Илле ел кулга кул тотынып,
Пар былбылдай гомер итәсез.
Бер-берегезгә ныклы терәк булып
Гомер йомгакларын сүтәсез.
Иртәгәсен сызылып аткан таңнар
Сәламәтлек алып килсеннәр.
Картлык көннәрегез тигезлектә
Кайгы-хәсрәтсез үтсеннәр.
 

Сезне яратып һәм хөрмәт итеп: балаларыгыз Мөнир-Светлана, Динә-Илдар, Рашат-Җәмилә, оныкларыгыз Зилә, Алмаз, Рушан, Руслан, Динар, Илвина, Ралина.