Шүширмә авылында гомер итүче кадерле әниебез, дәү әниебез Резидә Фәрит кызы Гыйләҗеваның 24 июньдә 55 яшьлек юбилее

 Әлеге уңайдан җир йөзендәге иң кадерле газиз кешебезгә иң ихлас теләкләребезне юллыйбыз. Сөекле әниебез! Син безгә төпле киңәшче, җаныбызны җылытучы, иң изге, иң кадерле илаһи зат. Безгә барлык йөрәк җылыңны багышлап, кадерләп үстергәнең, олы юлга бастырганың өчен сиңа чиксез рәхмәтлебез. Бүгенгедәй, тормышыбызга ямь өстәп, авырмыйча, кайгы-хәсрәт күрмичә, киләчәктә дә безгә ныклы таяныч, яшәешебезгә нур иңдерүче булып калуыңны телибез. Һаман шулай көчле рухлы, шат күңелле булып кал. 
Тормышның иң ямьле чагы, 
Илле биш яшь — ул аз әле! 
Алда әле – күпме шатлык 
Күпме бәхет, наз әле! 
Гомереңнең бу мизгеле - 
Туктап бер җырлап алу, 
Үткәннәргә шөкер итеп 
Киләчәккә юл салу! 

Иң изге теләкләр белән: улың Рәиф, кызың Рания, киленең Альбина, оныкларың рамазан, Камил, Зөһрә.