Якташлык җәмгыятендә яңа җитәкче

Утырышны алып барган район башлыгы Альберт Рәхмәтуллин кунакларны соңгы вакытта районыбызда барган үзгәрешләр, төзелешләр, авыл хуҗалыгында башкарылган эшләр, алдагы елларга планнары белән таныштырды.

"Кайбыч" якташлык җәмгыятенең чираттагы утырышында күтәрелгән төп мәсьәлә -- җәмгыятьнең яңа президентын сайлау. Озак еллар бу вазифаны башкарган Рафыйк Гарәфетдиновны үз үтенече белән азат итеп, аның урынына яшь, перспективалы якташыбыз, "Бәрмәнчек" дәүләт керәшен фольклор ансамбле җитәкчесе Артур Поляков сайланды. Бу хакта тулырак мәгълүмат газетабызның киләсе санында урын алыр.