Яңа ел табынына

Яңа ел табынын духовкада алма һәм яшел тәмләткечләр белән пешерелгән каз, үрдәктән башка күз алдына китерә алмаса да, өстенлекне күркәгә бирә. Күркә ите диетик булып санала. Га­дәттә без бәйрәм өстәленә майонезлы салатлар әзерлибез, шулай да күркә итен организм җи­ңелрәк үзләш­терә. Аны башта тозлы суда пешеп алырга һәм духовкага тыгарга кирәк. Противеньга бәрәңге һәм күркәнең эч-башын да сала. Күркә кызарып пешсен өчен аны даими рәвештә әйләндереп торырга ки­рәк. Марат Ясәвиев каз белән үрдәкне, мае агып бетсен өчен, духовкада пешерә.

Рецепты түбәндәгечә: уртача зурлыктагы каз, 1 кило алма (зур каз өчен), тәм­ләткечләр, тоз кирәк. Казны юабыз, корытабыз, тоз, тәмләткечләр белән ышкыйбыз да ярты сәгать тотабыз,алманы бүлгәлибез ( антон алмасы яхшырак) һәм каз эченә тутырабыз, тегеп куябыз. Духовкага тыгабыз, канатлары һәм аяк өлешен фольга белән төрәбез. 2 сәгать чамасы пешә, артык маен җыеп торабыз. Пешеп чыккач, эчлеген алабыз, казны савытка салып, янына бәрәңге, ит куеп табынга чыгарабыз. Тәмле булсын!