Кайбыч таңнары
  • Рус Тат
  • 2013 елда Кайбыч районыннан ике чит ил кешесе мәҗбүри рәвештә кире үз илләренә кайтарып җибәрелгән

    Республика җитәкчелеге легаль булмаган миграциягә каршы көрәш алып барырга һәм шул ук вакытта Татарстанда яшәргә, укырга, эшләргә теләгән, законнарны хөрмәт итүче чит ил кешеләренә ярдәм итәргә әзер.

    Бу атнаның сишәмбесендә Казан Кремлендә узган Милләтара һәм конфессияара мөнәсәбәтләр советының киңәйтелгән утырышында Татарстан Президенты Рөстәм Миңнеханов шулай дип белдерде. Миграция темасы бүген көн кадагында тора һәм ул хакимият, көч структураларына да кагыла. Төп максат - мигрантларга бәйле милләтара низагларга юл куймау, тынычлыкны тәэмин итү. Әлеге утырышта район башлыгы Альберт Рәхмәтуллин, аның урынбасары Рәмис Хәялиев та катнашы. Татарстанда Россия федераль миграция хезмәте идарәсенең Кайбыч районындагы территориаль пункты начальнигы Фәния Кәлимуллина әйтеп узганча, агымдагы елның 11 аенда Кайбычта миграция исәбенә 85 чит ил кешесе куелган, бу 2012 ел күрсәткеченнән 20 процентка күбрәк (былтыр-70 кеше). Быел ике чит ил кешесе закон таләпләрен үтәмәгән өчен мәҗбүри рәвештә кире үз илләренә кайтарып җибәрелгән. Алар биш ел буена Россиягә керә алмый.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: