Бердәмлек таулар күчерә

Әмма бу гына халыкны туктата алмый, чүп-чарны элек ничек түккән булсалар, шулай түгүләрен дә­вам итәләр. Ике ярны тоташтыру проблемасын башкача хәл итеп булганлыгын белгәч, гаҗәпләнергә генә кала. Авылның түбән һәм югары очларында яшәүчеләр озак кы­на җәфа чиккәч, бу хәл­дән чыгу юлын табарга булышуны үтенеп, депутатка мөрәҗәгать итәләр. Моның юлы бер генә: кү­пер төзеп, автомобиль­ләргә һәм җәяүлеләргә юл ачу. Шулай эшлиләр дә. Мәсхүт авылдашларын җыеп, бригада төзи. Башта бөтен чүп-чарны җыеп түккәннәр, төзелеш материаллары да табылган, район башлыгы Альберт Рәхмәтуллин да ярдәм иткән. Күперне бетоннан эшләгәннәр, плитәләрен тимер угольниклар белән беркеткәннәр, рәшәт­кә­ләрен дә тимер торбалардан ясаганнар, җәяүле­ләр өчен дә чыгу урыны булдырганнар. Хәзер ти­рә-якны тәртипкә китерәсе генә калган, ләкин бу ки­лә­чәк эше. Төзелеш урынына район башлыгы да килеп, биредәге матурлыкны кү­реп киткән, янә­шәдә генә табигый чыганаклар - чиш­мәләр дә бар. Никадәр тырышсалар да, халык аларны томалый алмаган, чишмә барыбер үз юлын тапкан, җир астыннан бәреп то­ра. Бу ма­турлыкны ничек бер­гә­ләп юкка чыгарырга мөм­кин соң? Бүген бер чиш­мә юкка чыга, иртәгә икенчесе... Кешеләрнең битарафлыгы үзебезне чолгап алган дөньяны менә нәрсә эшләтә, ә аннан соң дөнья беткәнне көтәбез.