Кайбыч таңнары
  • Рус Тат
  • Олы Кайбыч егете Рафил Нигъмәтуллин Ватан алдындагы бурычын үтәп кайтты

    "Армиядә бер ел вакыт сизелмичә дә узып китә икән ул", - ди әле шушы көннәрдә генә Ватан алдындагы бурычын үтәп кайткан Олы Кайбыч егете Рафил Нигъмәтуллин.

    Буа шәһәрендәге медицина көллиятен тәмамлаганнан соң армиягә алынган егет Самара өлкәсенең Тольятти шәһәрендә хезмәт иткән.

    - Армиягә киткәнче дә хәрби һава десанты гас­кәрләренең элиталы частенда хезмәт итәргә хыялланган идем, максатыма ирештем. Монда физик яктан ныклы, сәламәт, психикасы ныклы булган егетләрне генә алалар. Хәрби хезмәттә барлык сынауларны уңышлы үт­тем, парашюттан да сикердем, - ди десантчы.

    Һөнәрле булуы да ярап куйган: медицина пунктында инструктор булып хезмәт иткән. Хәрби часть­нең медицина хезмәте начальнигы, гвардия майоры А. Кашкаров кул куйган характеристикада якташыбызның намус бе­лән хезмәт итүе ачык кү­ренә. Анда Рафилнең Ватан сакчысы исеменә тап төшермәве, максатчан булуы, приказларны төгәл үтәве, кыюлыгы, хәрби вертолеттан, самолеттан парашют белән ышанычлы сикерүе, дәү­ләт һәм хәрби серне саклый белүе хакында языл­ган.

    Яшь солдатны өендә әтисе Ринат, әнисе Зәмзәмия, сеңлесе Рузилә көтеп алган. Рафилдан киләчәккә планнары белән кызыксындым.

    - Армиядә контракт буенча калырга да тәкъдим иттеләр. Шулай да, туган яклар сагындырды, тизрәк кайтасы килде. Киләчәктә үз һөнәрем буенча эш­ләр­гә телим, - диде ул. Без аңа теләкләренең тор­мыш­ка ашуын, уңышлар телик.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: