Кайбыч таңнары
  • Рус Тат
  • Социаль хезмәткәрләр белән очрашу

    Бүген социаль хезмәткәрләр үзләренең һөнәри бәйрәмнәрен билгеләп үтә. Шул уңайдан Кайбыч муниципаль район Советының актлар залында тантаналы очрашу үткәрелде.

    Тантанада район социаль яклау бүлеге, "Өмет"халыкка социаль ярдәм күрсәтү үзәге, район Картлар һәм инвалидлар йорты, республика матди ярдәм күрсәтү үзәгенең Кайбычтагы 22 нче филиалы, авыллардагы социаль хезмәткәрләр катнашты Анда шулай ук әлеге тармакның ветераннар Советы рәисе Нина Моисеева һәм "Өмет" үзәгендә бухгалтер булып эшләп лаеклы ялга чыккан Фәүзия Миңнуллина да чакырылган иде. Игелекле һөнәр ияләрен район башлыгы Альберт Рәхмәтуллин исеменнән башкарма комитет җитәкчесенең социаль мәсьәләләр буенча урынбасары Фатыйма Бикбова кайнар котлады. Ул социаль яклау тармагындагы нәтиҗәле тырыш хезмәтләре өчен алдынгыларга ТР хезмәт, халыкны эш белән тәэмин итү һәм социаль яклау министры, район башлыгының Мактау кәгазьләрен тапшырды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: