4 июньгә Кайбыч районында 1412 гектарда печән чабылды

"Алтын кырлар" җәмгыяте мехенизаторлары яшел уракка узган атнаның җомга көнендә районда беренчеләрдән булып керештеләр. Биредә күпьеллык үлән басулары 2942 гектар мәйдан били.

- Бүгенге көнгә җәмгыятьтә барлыгы 525, бер көндә 180 гектар мәй­дан­да яшел масса теземнәргә салынды. Хәзерге вакытта басуда унга якын техника эшли. Арыслан бүлекчәсендә сенаж сала башладык. Барлыгы 100 тонна печән прессланды. Техника җитәрлек, һа­ва шартлары мөм­кинлек бирсә, сенаж базын кыска вакыт эчендә тутырачакбыз. Шул ук вакытта маллар өчен яшел конвейерны да җайга салдык. "КСК- 100" комбайнында Навил Камалетдинов маллар өчен яшел масса ура, - ди җәмгыять директоры урынбасары Илдар Яруллин.