Безопасность дорог
Кайбыч – Колаңгы юлында кагыйдә бозу юл-транспорт һәлакәтенә китергән
Җылы көннәрдән соң һава температурасының кискен суытуы, өстән кар явып торуы автомобиль йөртүчеләр өчен уңайсызлыклар тудыра.
Бүген 7 гыйнварда 15 сәгать 15 минутта Кайбыч - Колаңгы автомобиль юлының 8 чакрым 800 метрында Кече Кайбыч авылында яшәүче, "Рено Логан" автомобилендә Олы Кайбыч ягыннан Колаңгы станциясе юнәлешендә хәрәкәт иткән. Ул юл йөрү кагыйдәләренең 11.4, 10.1 маддәләрен бозып, күз күреме начар участокта куркынычсыз хәрәкәт итү тизлеген сакламыйча, каршы килүче якка чыга һәм Колаңгы станциясе ягыннан килүче, Кече Мәме авылы кешесе идарә иткән "Лада-111730" автомобиленә бәрелә. Юл һәлакәте нәтиҗәсендә өч кеше төрле дәрәҗәдәге тән җәрәхәтләре ала.
Следите за самым важным и интересным в Telegram-каналеТатмедиа
Нет комментариев