Кайбицкие зори
  • Рус Тат
  • Кайбычта июнь аенда эчкән килеш руль артына утырган алты кеше тоткарланган

    Юлларда бәла-казалардан саклау максатында юл йөрү кагыйдәләре таләпләрен дә көчәйттеләр, штрафлар күләмен дә шактый зур суммага арттырдылар, эчкән килеш руль артына утыручыларга да чаралар катгыйланды. Әмма, шулай булуга да карамастан, үз гомерләрен, юлдагы башка кешеләрнең тормышларын куркыныч астына куючылар даими очрап тора.

    Исерткеч эчемлекләр кулланган килеш юлларда йөрүчеләр шуны аңласыннар иде: гомерләр бер генә бирелә һәм аның кадерен белеп яшәргә кирәк. Нәкъ менә исерек шоферлар гаебе белән юлларда машиналар бәрелешә, бер гаепсез кешеләр авыр тән җәрәхәтләре ала, күпме гомерләр өзелә. Ә руль артына эчкән килеш утыручылар машина белән идарә итү таныклыгыннан мәхрүм кала, җәмәгать суды аларны зур штрафларга тарта. Алар гаиләләрен акчасыз калдыра, балаларының күз яшен эчә. Чираттагы планеркада район башлыгы Альберт Рәхмәтуллин полиция җитәкчелегенә ЮХИДИ рейдларын төп юлларда гына түгел, ә районнан читтә урнашкан авылларда да үткәрү бурычын куйды.
    ЮХИДИ начальнигы Фирдүс Тимершин әйтүенчә, июнь аенда гына да алар эчкән килеш руль артына утырган алты кешене тоткарлаган. 4 июньдә төнге сәгать уникедә Морза Бәрлебашында бортлы "УАЗ" автомобилен туктаталар. Аның хуҗасының эчкән булуын бик тиз аңлап алалар. Иске Тәрбит авылында яшәүче дә эчкән килеш "МТЗ" тракторына утырырга курыкмый. 15 июнь көнне ул да ЮХИХИ инспекторлары кулына килеп эләгә. Шул ук көнне Кайбыч - Колаңгы юлында "ВАЗ-2106" автомобиле хуҗасы туктатыла. Тикшерә торгач, аның да исерек булуы ачыклана. Ерак Сургут якларыннан кайткан кунакка да Кайбычка сәяхәте күңелсез төгәлләнә. Чит илдә эшләнгән кәттә машинасында Олы Тәрбит авылы клубына дискотекага килгән җиреннән ЮХИДИ инспекторларына юлыга ул. Ул да эчкән булган. 26 июньдә Соравыл авылында Казаннан кунакка кайткан кешене дә төнге сәгать икедә туктаталар. Аның да хәмер белән сыйланганына тиз төшенәләр. Шул ук көнне Корноухово авылында асфальт юлдан мопедта җилдерүче ир-атны туктаталар. Исерек хәлдә булуына карамастан, ул ун яшьлек кызын утыртып балык-ка барырга җыенган. Җитмәсә, икесенең дә башларында каскалары булмый. Үз гомерен генә түгел, баласының да тормышын куркыныч астына куйган бу кешенең мопеды Олы Кайбычта штраф- стоянкага куелган.

    Алда китерелгән һәр очрак буенча беркетмәләр төзелеп, район җәмәгать судына җибәрелгән.
    Нравится
    Поделиться:
    Реклама
    Комментарии (0)
    • 16 марта 2018 - 10:43
      В Кайбицах обсуждают развитие парка
    • 7 января 2018 - 18:14
      Жители Татарстана стали свидетелями яркой вспышки в небе (Видео)
    • Дети Кайбицкого района приняли участие в создании мультика для «Татармультфильма»
    • День образования района
    • Потоп в Кайбицком районе
    • Фестиваль "Без бергэ"
    • Федоровская школа отметила 150-летие школы
    • Состоялся третий этап фестиваля «Созвездие-2018» в Кайбицах
    • Выборы в Больших Кайбицах
    • Выборы в селе Кушманы
    • Инициативы жителей Кайбицкого района воплотятся в жизнь
    • 25 апреля 2018 - 14:28
      В Кайбицкой больнице высадился благотворительный десант
      В минувшую субботу в центральной районной больнице группа врачей из Казани обследовала здоровье особенных детей. Благотворительную акцию в рамках проекта "Добро во благо особенных детей" организовали Республиканское общественное движение "Татарстан-Новый век" и благотворительный фонд "Сила в детях". Главная цель акции – своевременное выявление заболеваний центральной нервной системы и консультативная помощь родителям.
      169
      0
      0
    Ночной режим