“Казан-Арена” да узган ифтарда кайбычлылар да катнашты

Узган җомгада "Казан Арена" стадионында 5 мең кеше катнашында республика ифтары узды.

Россиянең башка төбәкләре белән чагыштырганда - иң зур ифтар иде бу. Стадион янында ун бик зур казан асып, осталар барлыгы - 2,5 тонна плов әзерләде ул көнне.
Куаныч, Рамазан аенда уздырылучы бу изге ниятле ифтар ашына кайбычлылар да катнашты. Дамир хәзрәт Гыниятуллин җитәкчелегендәге төркемдә Кайбыч мәчетләрендә мөгаллимәлек эшләрен алып баручылар, мәчеткә укырга йөрүчеләр һәм балалар бар иде.