Кайбыч таңнары
  • Рус Тат
  • Изге Рамазанда игелекле гамәл

    Изге Рамазан - сабырлык ае. Мөселман кардәшләребез тәүлекнең 19 сәгатькә якын вакытын ураза тотып үткәрә. Мөбарәк айда уразалыны ифтар яки сәхәрлек кылдырган кешегә савап языла, гөнаһлары кичерелә, диелә хәдисләрдә.

    6 августта Чүти авылында "Гөбенә" агрофирмасы ифтар мәҗлесе оештырды. Совет чорында дин тыелган булса да, биредә халык динен, ата-бабаларыннан килгән гореф-гадәтләрне саклап яшәгән. Үзгәртеп кору җилләре дингә карашны үзгәрткәч, беренчеләрдән булып, 1989 елда беренче мәчетләрен сафка бас­тыралар. Ел саен мәчет­кә йөрүчеләр саны арта бару сәбәпле, 1995 елда зур итеп таштан төзелгән икенче мәчетне файдалануга тапшыралар. Күптән түгел генә ике гыйбадәт йортын берләштерү буенча төзекләндерү эше төгәлләнде. Озак еллар мәчеттә имам вазифасын Бөек Ватан сугышы ветераны Касыйм ага Сираев башкарды. Хәзер аның эшен Рәшит ага Вилданов дәвам иттерә.

    Ифтар мәҗлесендә муниципалитет җитәкчесе Альберт Рәхмәтуллин, аның урынбасары Рәмис Хәялиев, район башкарма комитеты җитәкчесенең икътисад мәсьәлә­ләре буенча урынбасары Илдус Гайнуллин, район имам-мөхтәсибе Дамир хәзрәт Гыйниятуллин, Төр­киядән килгән кунак Эрдинт Даштан, мәчеттә ремонт эшләрендә катнашкан эшмәкәрләр, тө­зүчеләр катнашты.

    - Мин "Гөбенә" агрофирмасында директор булып эшләгәндә Рәшит хәзрәт авылдагы ике мәчетне бергә тоташтыру мәсьә­ләсе белән мөрәҗәгать иткән иде. Без шул вакытта төзелеш материалларын тупладык. Авылдашларыгыз, эш­мә­кәр­ләр, җитәкчеләр белән берлектә бу эшне азагына кадәр җиткерә алгансыз. Төзелештә катнашкан һәр­кемгә, Рәшит хәзрәткә зур рәхмәтемне җитке­рәм. Изге гамәлләрегез үзегезгә игелек булып кайтсын, - диде район башлыгы.

    Рәшит хәзрәт авыл халкы исеменнән изге эштә ярдәме өчен Альберт Рәх­мәтуллинга, төзелештә катнашучыларга рәхмәт сүзләрен җиткерде.

    Ифтар мәҗлесенә кадәр Эрдинт хәзрәт азан әйтте, кичке намазны укыдылар. Мәчет ишегалдында 18 метр тирәнлектә үзләре казыткан кое суы белән ифтар кылу мәҗлескә ямь өстәде. Төрек кунагы Ко­ръ­­ән сурәләре дә укыды.

    Нравится
    Поделиться:
    Реклама
    Комментарии (0)
    Осталось символов: