Кайбыч таңнары
  • Рус Тат
  • Кошман мәчетендә Корбан ашы

    Югары һәм Түбән Кошман авылларында яшәүчеләр өчен Корбан бәйрәме авыл мәчетендә ике тапкыр үткәрелде. Изге мөселман бәйрәмнәрен шулай зурлыйлар биредә.

    Аның беренчесе абыйлы-энеле Марат һәм Ринат Садриевлар инициативасы белән оештырылды. Хәйрия мәҗлесендә дә алар матди ярдәм күр­сәтте. Табын әзерләүнең барлык мәшәкатьләрен авыл җирлеге хезмәткәрләре үз өстенә алды. Камыр ризыкларын башта иске мәчеттәге мичтә пе­шер­гәннәр. Аны яңа мә­чет тө­зелгәч сүтмәгәннәр, иске мәчеттә өлкәннәр һәм мәктәп балалары өчен уку классы ачарга уйлаганнар. Ислам дине нигезләренә, гарәпчә уку-язуга Мөслимә Яруллина өйрәтә. Ул үзе Казандагы "Мөхәммәдия" мәд­рәсә­сен тәмамлаган. Монда дин сабагы алырга теләүчеләр тирә-як авыллардан да килә, ул аларның барысын да шатланып кабул итә.

    Корбан табынында район башлыгы Альберт Рәх­­мәтуллин да катнашты. Ул Кошман мәчетенең заманча, иркен итеп тө­зе­лүен, дини бәй­рәмнәр үткәрү өчен уңайлы шартлар тудырылуын бил­геләп үтте, иганәче­ләргә рәхмәтен җиткерде. Нәкъ менә алар ярдәме белән дини чаралар бө­тен шартын китереп билгеләп үтелә, мөселманнарга бәйрәм чара­ла­рын­да бергә җыелу мөмкинлеге туа. Район башлыгы әйтү­енчә, барлык авылларда да шәхси эшмәкәрләр ягыннан аңлау бар, алар катнашында авыл җирлекләре башлыклары Корбан бәйрәмен югары дәрә­җәдә үткәрә, ялгызларга, аз керемле гаиләләргә дә өлеш чыгаралар. Якшәмбе көнне кошманлылар кабат бәйрәм мәҗ­лесенә җыелды. Бу юлы мәчет әһелләре үз хисапларына Корбан ашы уздырды.

    Нравится
    Поделиться:
    Реклама
    Комментарии (0)
    Осталось символов: