Кайбыч таңнары
  • Рус Тат
  • Мәүлид ае

    Пәйгамбәребез Мөхәммәд мостафа милади белән 571 елның 12 нче рабигыль-әүвәл аенда дүшәмбе көнне дөньяга килгән. Дөньядан киткән көне дә шул көнне. Димәк, рабигыль-әүвәл ае - Пәйгамбәребезне искә алу ае.

    Аны халыкта Мәүлид ае дип тә йөртәләр. Шушы айда Пәйгамбәребезне ис­кә алу йөзеннән мөселман дөньясында төрле чаралар үткәрелә. Пәй­гамбәребез үзе исән чагында туган көнен бәйрәм кылмаган булса да. Аны искә алу, дөньяга таныту өчен төрле чаралар үткә­рү - мөселманнарда аны яратудан һәм сагынудан. Ә Аллаһ раббыбыз безгә бер-беребезне яратуны, сагынып искә алуны, бер-беребезгә карата изге догалар кылуны тыймый.

    Пәйгамбәребез Мөхәм­мәд галәйһиссәләмгә дә Аллаһ Раббыбыз әйткән: «Сине кыямәткә кадәр өммәтең искә алыр. Минем исемемнән соң һәр­вакыт синең исемең аталыр", - дигән.

    Шуңа күрә без: «Ләәә иләә­һә илләллаааһ Мү­хәммәдүр Расүүлүл­лаааһ», - дип әйтәбез. Шулай ук «Әл-Әзхәб» сү­рә­сенең 45-46 нчы аятьләрендә Аллаһ раббыбыз пәйгамбәребезнең дөньяга килү максатын әйтеп уза: "Ии, Аллаһының Рә­сү­ле, без сине бәндә­ләр­нең кыл­ган изгелекләренә шәһитлек өчен, аларны җәннәт белән сөен­дере өчен, җәһәннәм белән куркытыр өчен җибәрдек һәм синең тор­мышың алар өчен нурландыручы яктырткыч", - диде. Пәйгамбәребезнең тормышы - безнең өчен юл күрсәтүче, янып торган маяк. Без аның тормышын өйрә­нер­гә, сабырлыкларына сокланырга, үзебезгә шу­шы күркәм сыйфатларын гадәт итеп алырга тиеш­без.

    - Мөхәммәд галәйһиссә­ләм­не Мин Җир йөзендәге барлык халыкка җи­бәрдем, - диде Аллаһ Раббыбыз. - Син Бөтен Җир шарындагы халыкка Аллаһ сүзе булган Коръәнне өйрәт, аңлат, - дип Җәбраил фәрештә аркылы шушы вазифаны йөк­ләде. Хәтта ул укый-яза белмәсә дә. Аллаһ Раббыбыз әйтте: әгәр аның Пәйгамбәрлегенә шик бел­дерсәгез, булдыра ал­сагыз, бе­регез шушы Коръән китабына торырлык китап язып карасын. Йә булмаса, меңнәрчә халыкка хезмәт итә торган берәр аять иҗат итеп карагыз. Пәйгамбәребезнең яшәгән чорыннан соң 14 гасырдан артык вакыт узды. Шушы чор өчендә күп язучылар, галимнәр, шагыйрләр Аллаһы тәгаләнең чакыруын кабул итеп, Коръәни кәрим китабындагы аятьләр кебек шигырьләр язырга тырышып карады, әмма, бу эшнең мөмкин түгеллеген аңлап, Аллаһның кодрәте алдында гаҗиз булдылар.

    Шулай ук дөньяда мәш­һүрлек буенча, халыкларга билгеле шәхесләр арасында тикшерү уздырдылар. Мәшһүр шә­хесләр арасында Майкл Харт исемле галимнең "Йөз бөек шәхес" исемле китабында иң бөек шә­хес, китапның беренче би­тенә үк куелган шәхес Пәйгамбәребез Мөхәм­мәд Мостафа салләллаһу галәйһи вә сәлләм. Чөнки пәйгамбәребез мөселманнарның гына тормышына түгел, ә бөтен дө­нья халкының тормышына үзгәреш керттте. Караңгылык, наданлык капкаларын ватып яктылыкка, гыйлемгә, халыкларның әхлак үсешенә ките­рү­че нур ишекләрен ач­ты.

    Шушы язмабызга бәйләп, без Олы Кайбыч мәчетендә укучы һәм теләге булган барлык хатын кызларны 27 гыйнвар, якшәмбе көнне иртәнге 11:00 сә­гатькә, ир-атларны көн­дезге сәгать бергә, балаларны сәгать икегә Пәй­гамбәребезнең истәлегенә багышланган хәдис­ләр кичәсенә чакырабыз. Шулай ук Олы Кайбыч мәчетендә хатын-кызлар өчен яңа уку төркеме оештырыла. Беренче дә­рес 30 гыйнварда кичке сәгать алтыда уза.

    Нравится
    Поделиться:
    Реклама
    Комментарии (0)
    Осталось символов: