Балыкчылар күчтәнәче

Әле шушы көннәрдә генә "Балык хуҗалыгы" директоры Гомәр Җамалетдинов якынлашып килүче Халык­ара өлкәннәр көне уңаеннан аларга күчтәнәчкә үз хуҗалыкларында үрчетелгән балык китерде, көннәре күңелле узсын дип, магнитофон бүләк итте. Дөрес, биредә гомер кичерүче әби-бабайлар бернәрсәгә дә мохтаҗлык кичерми, алар өчен барлык шартлар да тудырылган: тамаклары тук, бүлмәләре җылы, уңайлы, шәфкать туташы да яннарында. Өлкәннәргә иң мөһиме - аралашу. Шуңа да һәр кешене шатланып каршы алалар, рәхәтләнеп сөйләшәләр.