“Белем дөньясы" тапшыруы журналистлары Кайбычка килде

Журналистлар Федоровское мәктәбендә "Дуслык чәчәге" фестивале, Олы Кайбычта мәктәп флеш-мобы, логопед, медицина пункты, кызларның хоккей уйнавы, Хуҗа Хәсәндә "Хуҗабикә" түгәрәге эшчәнлеге, Зур Подберезьеда Бөек Җиңүнең 70 еллыгына әзерлек, мәктәп музее, "ЭКО" мәктәптән тыш эшләр үзәгендә балаларның техник түгәрәкләрдәге шөгыльләре турында тапшырулар төшерде. Әлеге тапшыру узган елның 14 декабреннән һәр шимбә саен кичке сәгать биштә күрсәтелә. Татарстан Мәгариф һәм фән министрлыгы тарафыннан телевидение һәм "ТАТМЕДИА" агентлыгы белән берлектә эфирга чыгучы тапшыруда Татарстанда һәм аның чикләрендә мәгариф системасындагы үзгәрешләр, милли мәгариф үсеше, укытучыларның эш тәҗрибәсе, сәламәт яшәү рәвешен пропагандалау, мәктәп тормышы киң яктыртылачак. Бу атнада телевидениедән Кайбычны күрсәтәчәкләр.