Гиппократ антына тугрылар

Районның баш врачы Газимагомед Магомедов әйтеп узганча, бәйрәм вакытында үзәк сырхауханәдә дежур торучы врачларның графигы расланган инде. Дарулар, азык-төлек белән тәэмин итүдә дә өзеклекләр юк. Ашыгыч ярдәм күрсәтү бригадасы тәүлек әйләнәсе эшли. Бу атнаның чәршәмбесендә фельдшер-акушерлык пунктлары фельдшерлары катнашында узган җыелышта авыл җирлекләрендә халыкка медицина ярдәме күрсәтүдә өзеклекләргә юл куелмаска тиешлеге, ялгыз яшәүчеләр, социаль яктан тотрыклы булмаган гаиләләрне контрольдә тоту кирәклегенә басым ясалды. Ял көннәрендә дә фельд­шерлар кәрәзле телефоннарын сүндермәскә, авырулар чакыруы буенча өйләренә барырга тиеш.