Халыклар дуслыгы

Халык иҗат йортында узган бу конференциядә ТР Дәүләт Советы рәисе, ассамблея җитәкчесе Фәрит Мөхәммәтшин, ТР Премьер-министры, ТР этникара мөнәсәбәтләрне җайга салу мәсьәләләре буенча ведомствоара эш төркеме җитәкчесе Әсгать Сәфәров һәм башкалар катнашты. Әлеге чарада катнашкан район башлыгы урынбасары Рәмис Хәялиев әйтеп узганча, конференциядә республикада яшәүче халыкларның телләре, гореф-гадәтләре, милли мәдәниятләрен үстерүгә зур игътибар бирелгән. Анда шулай ук Россиядә, Татарстандагы милли сәясәт хакында да сүз алып барылган.