Кайбычлылар “Идел – гражданлык университеты” проекты буенча укуда

Сәясәт һәм җәмәгатьчелек эшлеклеләренең һөнәри дәрәҗәсен үстерүгә юнәлдерелгән әлеге укулар видеокиңәшмә рәвешендә дә барды. "Идел - гражданлык университеты" тыңлаучылары алдында беренче лекция белән партиянең Татарстан төбәк бүлеге сәяси Советы секретаре, ТР Дәүләт Советы рәисе Фәрит Мөхәммәтшин чыгыш ясады. Казан федераль университетында узган бу чарада Татарстанның партия активы һәм университетның филиалларында эшләүчеләр, укучылар, барлыгы мең ярым кеше катнашты. Алар арасында Надеждино һәм Мөрәле авыл җирлекләре башлыклары Екатерина Савельева белән Ринат Зиннәтуллин да бар иде.