Кайбычның иң яхшы хат ташучысы кем булыр?
"Татарстан почтасы" һәм "Татмедиа" агентлыгы авылдагы иң яхшы хат ташучыларны ачыклау буенча бәйге игълан итте.
Әлеге бәйге агымдагы елның 1 октябреннән 31 декабренә кадәрге абунә чорында уза. Аның максаты - 2014 елның беренче яртыеллыгына газетага язылучылар санын, тиражны саклап калу. Авылларда эшләүче иң яхшы хат ташучылар тиражны арттыруларына карап бәяләнә. Беренче урынны яулаучыга 34 483 сум, икенче урынга - 28 736, өченче урынга 22 989 сум күләмендә акчалата бүләк бирү карала. Иң яхшы хат ташучылар турындагы мәкаләләр "Кайбыч таңнары" битләрендә урын алачак. Районда үз эшен яратып, намус белән башкаручылар күп, шуңа да без аларны җиңүчеләр сафында күрергә өметләнәбез.
Следите за самым важным и интересным в Telegram-каналеТатмедиа
Нет комментариев