«Казан ярминкәсе»ндә
Бу көннәрдә "Казан ярминкәсе"нең күргәзмәләр залында "Агрокомплекс: Интерагро. Анимед. Идел буе фермеры" дигән ХV халыкара һәм ХIIнче "Волгапродэкспо" күргәзмәләре эшләде.
Анда катнашучылар Россиянең төрле төбәкләрендә җитештерелгән авыл хуҗалыгы техникасы җиһазлары, запас частьләр, үсемлекләрне химик саклау чаралары, ашламалар, орлыклар, ветеринария препаратлары, азык өстәмәләре белән танышты. Биредә шулай ук яшелчә, азык- төлек товарларыннан ярминкә оештырылган иде. Күргәзмәдә ТР авыл хуҗалыгы һәм азык-төлек министрының беренче урынбасары Минсәгыйрь Нуретдинов, механикалаштыру буенча урынбасары Тәлгать Таһирҗанов та булды. Әлеге күргәзмәне карарга Кайбычтан авыл хуҗалыгы һәм азык-төлек идарәсе, хуҗалыклар белгечләре дә барды.
Следите за самым важным и интересным в Telegram-каналеТатмедиа
Нет комментариев