Республика елкасына Кайбычтан уналты укучы барачак

Әлеге тантанада Кайбычтан уналты бала катнашачак. Район мәгариф бүлегеннән хәбәр итүләренә караганда, алар арасында уку алдынгылары, олимпиадаларда, спорт ярышларында җиңүчеләр, аз керемле, күп балалы гаиләләрдә тәрбияләнүчеләр, чит гаиләгә тәрбиягә алынучылар да бар. Аларны "Татнефть-арена" боз сараенда "Нәрсә ул Яңа ел яки бер кар бөртегенең тарихы" дигән зур шоу-тамаша көтә. Анда хореографик һәм вокаль ансамбльләр, фигуралы шуучылар катнаша. Бик популяр группа да чыгыш ясаячак, әмма исемен әлегә сер итеп тоталар.