“Татарстан-Яңа гасыр” республика иҗтимагый хәрәкәтенең Кайбычтагы территориаль бүлегенә яңа рәис сайладылар

Хәзер әлеге иҗтимагый хәрәкәт белән Мәлкидән Александр Акрымов җитәкчелек итәчәк. Конференциядә территориаль бүлек Советының яңа әгъзалары да сай­ланды. Анда шулай ук 14 сентябрьдә узачак сайлауларга Дәүләт Советына депутатлыкка кандидатуралар билгеләүдә праймеризда катнашучылар исемлеге расланды. "Татарстан - Яңа гасыр" иҗтимагый хәрәкәтенең 18 мартта Казанда узачак конференциясендә Александр Акрымов, авыл кулланучылар җәм­гыя­те рәисе Салават Халиков һәм "Кайбыч таңнары" газетасы хәбәрчесе Фирәдә Сайранова катнашачак.