Театр яктылыкка илтә

Укучылар классик драматург Кәрим Тинчурин исемендәге VI Республика театр фестивалендә катнашучы Уфа "Нур" татар дәүләт театры тарафыннан куелган "Хаҗи әфәнде өйләнә" спектаклен карады. Төрле милләттән булган балалар яшь килен алырга теләгән Юныс хаҗине ничек акылга утыртуларын кызыксынып карадылар. "Мәктәбебез директоры Михаил Серяковка зур рәхмәтебезне белдерәбез. Ул укучыларның рухи яктан үсешенә каршы килми, киресенчә, мөмкинлекләр тудырырга тырыша", - дип хәбәр итте безгә Энҗе Гыйбадуллина.