Тукай белән атлыйбыз киләчәккә

Анда районыбыз авылларында яшәүче шигырь сөючеләр, үзләре дә каләм тибрәтүчеләр чакырылган иде. Бәйрәм кичәсен алып барган методист Миләүшә Сәлахетдинова Тукай иҗаты белән таныштырды. Видеоязмада артист Илдус Әхмәтҗанов башкаруында Габдулла Тукайның "Туган авыл", "Туган җирем", "Пар ат" шигырьләре яңгырады. Борындыктан Әлфия Гыймадиева, Талия Хәлиуллина, Мөрәледән Асия Гыйбадуллина, Бәрлебашыннан Чулпан Абдрахманова үзләре язган шигырьләрне укыды. Мөрәледән 7 класс укучысы Алия Садриева, биш яшьлек Миләүшә Гобәева Тукай шигырьләрен яттан сөйләде. Кичәдә катнашучыларга истәлекле бүләкләр тапшырылды.