Ульянково авылы кызы «Ворожея» ансамбле белән туган авылына кайта

Кечкенәдән Кайбыч сәхнәләрендә чыгыш ясап үскән кыз хәзер инде Казан шәһәрендәге "Ворожея" рус җырлары театры солисткасы. Бу атнаның якшәмбесендә ул шушы театр белән туган авылына кайтып, авылдашлары алдында бушлай концерт куячак. Әлеге театр җырчылары Татарстанның сәнгать осталары белән берлектә Кырымда да чыгыш ясап кайткан иде. Алар анда осталыкларын гына түгел, ә илебезнең чын патриотлары, тынычлык илчеләре булуларын да күрсәтте. "Ворожея" кызлары Кырым Республикасында һәм Севастополь шәһәрендә Россиянең мәдәни мирасын саклауга керткән өлешләре өчен Россия Федерациясе Мәдәният министрлыгының Рәхмәт хаты белән дә бүләкләнде.