Яз-матуркайны каршы алдылар

Бөтен авыл халкы катнашында узган әлеге бәйрәмне кече Сабантуй дип атасаң да һич ялгыш булмас. Бу көнне, нәкъ милли бәйрәмебездәге кебек, аркан да тартыштылар, гер дә күтәрделәр, чүлмәк тә ваттылар, капчык киеп тә йөгерделәр, балалар күз бәйләп уенчыклар кисте, авыл үзешчәннәре концерт куйды, оста пешекчеләр табаларда коймак чыжлатты. Бәйгеләрдә җиңүчеләргә спонсорлар - "Гөбенә" агрофирмасы, Мәл­ки кулланучылар җәмгыяте, шәхси эшмә­кәр Ләйсән Медова әзерләгән бүләкләр тапшырылды.