Зөя елгасында су бер метрга күтәрелгән
Район газетасы журналистлары елгаларда су күтәрелеше хакында гадәттән тыш хәлләр буенча район комиссиясе рәисе урынбасары Илшат Галиевтан даими кызыксынып тора.
4 апрельгә ул Зөя елгасында суның бер метрга күтәрелүен әйтте. Әлегә Бәрле, Гөбенә, Зөя елгаларында суның кискен артуы күзәтелми. Бүген-иртәгә Зөя елгасында боз да китәр инде. Авылларны су басулар булмасын өчен барлык чаралар да күрелә. Экстремаль очракларда 01гә, кәрәзле телефоннан 112 номерына шалтыратырга кирәк. Россия Гадәттән тыш хәлләр министрлыгының ТР буенча Баш идарәсенең оператив дежурные - (843)293-49-95, эзләү-коткару хезмәте - (843) 272-43-12, җирле хакимият органнары - (84370) 21-6-66, 21-1-04.
Следите за самым важным и интересным в Telegram-каналеТатмедиа
Нет комментариев