Кайбыч халкын Май чабуга чакырабыз!

Бу атнаның шимбә, якшәмбе көннәрендә районыбыз авылларының күбесендә Май чабу бәйрәме гөрләр дип көтелә. Язның беренче көне 1 мартта ул Зур Подберезье, Кече Мәме авылларында, 2 мартта Иске Тәрбит, Олы Тәрбит, Ульянково, Надеждинода, Рус Бәрлебашында узачак. Ә Хуҗа Хәсән авылында Май чабуны гадәттә Халыкара хатын-кызлар көне 8 мартта үткәрәләр. Бәйрәмгә сез дә килегез, самавыр янында кайнар коймактан авыз итегез, уйнап-көлеп күңел ачыгыз!