Бердәмроссиялеләр сайлауга әзерләнә

Сәяси Совет секретаре Җәүдәт Гаффаров катнашында узган әлеге утырышта Россия Федерациясе Президентын сайлаулар буенча сайлау кампаниясендә катнашу, торак-коммуналь хуҗалыгы тарифлары турындагы мәсьәлә каралды. Сәяси Совет әгъзалары сайлау кампаниясендә катнашуның мөһим стратегик мәсьәлә булуы турында фикер алыштылар. Партиянең барлык беренчел бүлекчәләрендә дә февральдә бу хакта җыелышлар үткәрергә тәкъдим ителде. Әлеге утырышта катнашкан партиянең җирле контроль-ревизия комиссиясе рәисе Гөлнур Гатиятуллина тарифлар турында сөйләде.