Кайбыч таңнары
  • Рус Тат
  • Район башлыгы Альберт Рәхмәтуллин Кайбычта ремонт ясалачак обьектларда булды

    Ул башкарма комитет җитәкчесенең торак-коммуналь хуҗалыгы мәсьәләләре буенча урынбасары Фирдүс Әхмәтов, “Заман” төзелеш фирмасы җитәкчесе Равил Җәләлиев белән берлектә иң элек авыл хуҗалыгы һәм азык -төлек идарәсенә килде.

    Бу оешма авыл хуҗалыгы һәм азык-төлек идарәләре биналарын ремонтлау буенча кабул ителгән республика программасы буенча ремонтлана. Биредә төзекләндерү эшләре бу елның 20 гыйнварында башланып китте. “Заман” төзүчеләре аның түбәсен алыштыруны төгәлләгән, хәзер тышкы ягын тышлыйлар.
    Район үзәгендәге бердәнбер балалар бакчасы “Миләшкәй”гә дә ремонт кирәк. Альберт Рәхмәтуллин әйтеп узганча, ул да быел республика программасы буенча төзекләндерелә. Ягу сезоны тәмамлангач, җылыту системасын алыштыру һәм башка ремонт эшләре карала.
    Морза Бәрлебашы авылындагы клубны җирле бюджеттан ремонтларга җыеналар. Бүген анда да эш күләмен билгеләделәр. Хәзерге вакытта Шүширмә авылы клубында ремонт бара. Ул да район акчасына яңартыла.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: