Кайбыч таңнары
  • Рус Тат
  • Кайбыч кырларын вертолёттан күзәттеләр

    «Ак Барс» холдинг компаниясенең генераль директоры Иван Егоров үзенең урынбасары Камил Ганиев белән әле шушы араларда гына Кайбычка килде. Максатлары - бездәге хуҗалыкларында язгы кыр эшләре барышы белән танышу.

    Алар вертолетта Ульянково басуына төште.

    - Сездә эш барышы, уҗымнарның ни хәлдә булуы өстән аеруча яхшы күренә. Кырларда техника күп эшли. Кайбычлылар башкалардан үзләренең оешканлыклары, җир кадерен белүләре белән аерылып тора. Уҗымнар да яхшы кышлаган. Эшкәртелмичә калган участоклар күренми, бу мактауга лаек, - диде Иван Егоров игенчеләр хезмәтенә югары бәя биреп.

    Терлекчелек тармагы турында да әңгәмә кордылар. Чөнки үсемлекчелек белән бу тармак аерылгысыз, икесе дә бер дәрәҗәдә мөһим.

    - Механизаторлар тәүлек әйләнәсе, ике сменада эшли. Сабан культураларын чәчү төгәлләнде. Хәзер техник культуралар чәчү дәвам итә. Уҗым культуралары тулаем алганда әйбәт сакланган, - диде район башлыгы Альберт Рәхмәтуллин. - Районда шәхси хуҗалыкларда мал асраучылар саны арта бара. Без моңа шатланабыз.

    Очрашуда машина-трактор парклары территориясен җыештыру, пар җирләренә органик ашлама чыгару хакында да сүз булды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: