Кайбыч таңнары
  • Рус Тат
  • Кайбыч районында Изге Вәли көнен бәйрәм иттеләр

    Соңгы елларда Изге Вәли көне популярлашып яшьләр тарафыннан яратып билгеләп үтелә башлады.

    Гәдаттәгечә, 14 февраль көнне гашыйк парлар бер-берсенә - йөрәк формасындагы төрле открыткалар, уенчыклар, егетләр яраткан кызларына чәчәкләр бүләк итәләр. Шул уңайдан районыбызның мәдәният йортында да "Гашыйклар көне"нә багышланган кичә узды. Чарага төрле авыл җирлекләреннән буйдак ир-егетләр һәм кияүгә чыкмаган хатын-кызлар чакырылды.
    Бәйрәмнең максаты - ялгызларга парларын табу, ә гашыйк парларга мәхәббәт өлкәсендә бер- берен сынап карау. Фойеда ялгызларга ярты йөрәкләр таратылды. Ә бәйрәм барышында ул йөрәкләрне туры китерделәр һәм өч пар барлыкка килде.
    ЗАГС бүлеге мөдире Рафия Гайнуллина сүзләре буенча, яңа елның ике аенда 9 пар гаилә төзегән. Районыбызда яучылар почмагын барлыкка китерергә кирәк дигән тәкъдимне "Ак калфак" оешмасы җитәкчесе Раилә Хәялиева кертте.
    Уенда дүрт кыз - Лилия Бикаева, Диләрә Миршинова, Зөһрә Лотфуллина, Алсу Миңнуллина һәм дүрт малай - Газинур Кадыйров, Илназ Кааьрипов, Рафаэль Нигъмәтуллин, Рузил Газизов катнашты.
    Катнашучыларны алып баручылар Ленар Баһавиев һәм Ләйсән Шамилова таныштырды. Егет-кызлар сорауларга җавап бирделәр, үзләренең осталыкларын күрсәттеләр, соңыннан әкият куйдылар.
    Бәйрәм ахырында ике матур пар барлыкка килде. Бәлкем алар киләчәктә парлашып гаилә дә төзерләр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: