Кайбыч таңнары
  • Рус Тат
  • Кайбыч шәфкать туташлары «2013 елның иң яхшы урта медицина хезмәткәре” дигән бәйгедә катнашты

    28 майдан 4 июньгә кадәр Казан шәһәрендәге медицина көллиятендә "2013 елның иң яхшы урта медицина хезмәткәре" дигән Бөтенроссия бәйгесенең республика этабы узды.

    Шәфкать туташлары, фельдшерларның хезмә­тен бәя­ләү, медицина хезмәте күрсәтүнең сыйфатын ях­шырту максатында игълан ителгән бәйгедә Кайбыч медиклары да катнашты. Бәйгенең беренче көнендә район үзәк сырхауханәсенең хирургия бүлеге шәфкать туташы Люзия Әхмәтҗанова, икенче кө­нендә педиатрия бүлегенең участок шәфкать туташы Татьяна Сәгъдиева, 3 июньдә Надеждино фельдшер-акушерлык пункты фельдшеры Оксана Шевалова һөнәри осталыкларын күр­сәтте. Алар үз белгечлекләре буенча компьютердан беренче һәм кичектергесез ярдәм күрсәтү, санитар-эпидемиологик режимга, һөнәри этика, норматив-хокукый документларга кагылышлы 100 төрле тест соравына җавап бирде. Безнең шәфкать туташлары бәй­гедә актив катнашканнары өчен дипломга лаек булды.

    Нравится
    Поделиться:
    Реклама
    Комментарии (0)
    Осталось символов: