Кайбыч таңнары
  • Рус Тат
  • «Кайбыч таңнары» редакциясендә тагын бер гаилә барлыкка килде

    Болай да умарта күче кебек кайнап торган редакциябез соңгы вакытта бигрәк тә җанланып китте. Бер-бер артлы күңелле яңалыклар булды. Шуларның берсе, мөгаен, иң кызыгы - редакциябездә яңа гаилә барлыкка килүдер.

    Районның бердәнбер информация чыганагы булып саналган "Кайбыч таңнары" редакциясендә ирле-хатынлы Луиза һәм Мингазиз Сөнгатуллиннар эшләвенә кайбычлылар инде күнеккән иде. Алар биредә район кайтканнан бирле - ике дистә елдан артык хезмәт куя. "Кайбыч таңнары"н - Сөнгатуллиннардан, Сөнгатуллиннарны район газетасыннан башка хәзер күз алдына да китереп булмый.

    Инде менә, әйткәнебезчә, редакциябездә тагын бер гаилә барлыкка килде: мөхәррир урынбасары Алсуыбыз белән шоферыбыз Ринат бүген, 30 гыйнварда, рәсми рәвештә никахларын теркәделәр. Хезмәткәрләр исәбе бармак белән генә санарлык булган редакциябездә тагын бер гаилә оешу, бер карасаң, бик гаҗәп хәл. Ләкин, күргәнегезчә, тормышта могҗизалар булып тора...

    Алсу һәм Ринат Гаттаровларны тормышларындагы истәлекле вакыйга белән чын күңелдән тәбрикләп, саулык, шатлык-сөенечләр телибез. Район халкына бергә-бергә озак еллар хезмәт итәрбез дип өметләнәбез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: