Кайбыч таңнары
  • Рус Тат
  • Кайбычлылар “Болгар” тарихи-археологик музей-тыюлыгын ЮНЕСКОга кертелүнең шаһитлары булды

    20 августта "Болгар" тарихи-археологик музей-тыюлыгын ЮНЕСКОга кертү тантанасында Кайбычтан да төрле оешма-учреждениеләрдә эшләүче алтмыш хезмәткәр катнашты.

    Изге Болгар җирләрендә көндезге сәгать уникедә башланып киткән бу тантанада тарихыбызны чагылдырылган театральләштергән тамашалар, төрле күңел ачу чаралары узды, музейларга экскурсияләр оештырылды. Ә кичке сәгать биштә шул уңайдан Казан шәһәрендәге Муса Җәлил исемендәге Татар дәүләт опера һәм балет академия театрында Татарстан Президенты Рөстәм Миңнеханов, ЮНЕСКОның генераль директоры Ирина Бокова, Татарстан Республикасы Дәүләт киңәшчесе Минтимер Шәймиев катнашында тантаналы кичә узды. Болгар комплексын ЮНЕСКО Бөтендөнья мирасы исемлегенә кертү турындагы сертификатны рәсми рәвештә шунда тапшырдылар. Тантанада бездән Кайбыч муниципаль районы башлыгы Альберт Рәхмәтуллин җитәкчелегендәге биш кешелек делегация катнашты.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: