Кайбыч таңнары
  • Рус Тат
  • Кайбычлылар “Яшел Россия” акциясендә катнаша

    30 августта ил күләмендә "Яшел Россия" дигән акция үткәрелә. Россия шәһәрләре һәм төбәкләренең экологик хәлен яхшыртуны күздә тоткан бу чарада кайбычлылар да актив катнаша.

    Әлеге экологик акциянең максаты - туган җиребезне тагын да матурлау, гөлбакчага әйләндерү. Безнең Кайбыч районында экологик мәсьәләләргә аеруча зур игътибар бирелүен барыбыз да тоя. Агач утырту, санитар чистарту өмәләре әледән-әле үткәрелә. Әле алай гына да түгел, Олы Кайбыч урамнары хәзер чәчәкләргә төренде. Баганаларга да петуния чәчәкләре утыртылган вазалар эленде. Татарстан Премьер-министры Илдар Халиков та Кайбычка килгәч, ул чәчәкләрнең тирә-юнебезгә ямь биреп утыруына, районыбызның төзек-чиста булуына игътибар итте. Ә район башлыгы Альберт Рәхмәтуллин киләчәктә барлык авыл җирлекләрен дә шулай чәчәкләргә төрү бурычын куйды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: