Кайбыч таңнары
  • Рус Тат
  • Кайбычта бала хокукларын яклау буенча вәкаләтле вәкил кабул итте

    Татарстан Республикасында Бала хокукларын яклау буенча вәкаләтле вәкил Гүзәл Удачина бу атнада Кайбычта халыкны кабул итте.

    Әлеге очрашуда вәкаләтле вәкил аппаратындагы бала хокукларын һәм аларның законлы мәнфәгатьләрен яклау бүлеге начальнигы Надежда Бычкова, балигъ булмаган балалар белән эшләү һәм аларның хокукларын яклау буенча республика комиссиясенең җаваплы секретаре Илсөяр Гарифуллина да катнашты. Бала хокукларын яклаучыларны башта район башлыгы Альберт Рәхмәтуллин үзендә кабул итте. Вәкаләтле вәкил белән очрашуга килүчеләрнең барысына да нигезле җаваплар бирелде. Кабул ителүгә алдан язылган дүрт кешенең сораулары чит гаиләгә тәрбиягә алынган баланың безнең җирлектә калуы һәм аны торак белән тәэмин итү, Кушкүлдән Хуҗа Хәсәнгә йөреп укучы балаларны автобуслы итү, Олы Тәрбиттә мәктәп-балалар бакчасы комплексы төзүгә кагылышлы иде.

    Соңыннан райондагы комиссия әгъзалары белән әңгәмә үткәрделәр. Анда физик мөмкинлекләре чикле булган авыру балаларга белем һәм тәрбия бирү, уңайлы мохит булдыру хакында сүз алып барылды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: