Кайбыч таңнары
  • Рус Тат
  • Кайбычта юл һәлакәтендә кеше гомере өзелде

    Бүген Олы Кайбычтагы заправка тирәсендә юл фаҗигасе булды.

    - Колаңгы станциясе ягыннан килүче "Лада Гранта" автомобиле куркынычсызлыкны тәэмин итәрлек тизлекне сайламау нәтиҗәсендә автомобиль белән идарәне югалта һәм каршы як юлга чыга. Ул Олы Кайбыч авылы ягыннан килүче "Тойота" автомобиленә килеп бәрелә. Юл-транспорт һәлакәте нәтиҗәсендә Волжский шәһәреннән килгән "Лада Гранта" машинасы шоферы алган җәрәхәтләрдән һәлакәт урынында ук җан бирә. Аның белән янәшәдә утырган хатын-кыз авыр тән җәрәхәтләре белән Кайбыч район үзәк сырхауханәсенә озатыла. "Лада Гранта" автомобиле югары тизлектә килгән, шоферын гадәттән тыш хәлләр хезмәткәрләре ярдәмендә машинадан алырга туры килде. Һәлакәткә юлыккан ике автомобиль дә шактый механик зыян күргән,- диде Кайбыч полиция бүлегенең ЮХИДИ хезмәте начальнигы, полиция майоры Фирдүс Тимершин.

    Юлларның юеш, бозлавык булуы да шоферларны тизлекне тиешеннән артык арттырудан куркытмый. Ләкин, Ходай сакланганны саклармын, дигән. Мондый шоферлар үзегезнең генә түгел, юл хәрәкәтендә катнашучы башкаларның да тормышын куркыныч астына куя. Мондый ваемсызлыклар еш кына күңелсез тәмамлана шул.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: