Кайбыч таңнары
  • Рус Тат
  • Казан дөнья чемпионатларын кабул итә

    4 сентябрьдә ТР Хөкүмәт йортында журналистлар өчен чираттагы видеобрифинг үтте.

    Анда ТР яшьләр эшләре, спорт һәм туризм министры Рафис Борһанов, "Казан - 2013" Башкарма дирекциясе генераль директоры Владимир Леонов, ФИСУ башкарма комитеты әгъзасы Верена Бурк һәм ФИСУның Студентларның дөнья чем­пио­натлары дирекциясе җи­тәкчесе Пабло Ферейро катнашты.

    Рафис Борһанов әйтүен­чә, 2013 елгы Универсиадасы башкаласы соңгы ике атнада халыкара дә­рә­җәдәге өч спорт ярышын кабул итә. Казанда студентлар арасында байдаркаларда һәм каноэларда ишү буенча дөнья чемпионаты 31 августта гына тәмамланган иде. 4 сентябрьдә Казанда ату буенча студентлар арасында IV дөнья чемпионаты старт алды. Бу атнада студентлар арасында академик ишү буенча дөнья беренчелеге дә узачак. Әлеге спорт төр­ләренең барысы да 2013 елгы җәйге Универсиада программасына кер­телгән һәм бу тест ярышлары Универсиада алдыннан Казанның әзер­леген тикшерү чарасы.

    Казанда узган ел да кайбер спорт төрләре буенча тест ярышлары үткәрел­гән иде. Быелгы халыкара сынау ярышларын оештыруга ТР Яшьләр эш­ләре, спорт һәм туризм министрлыгы, "Казан - 2013" Башкарма дирекциясеннән тыш, Мәгълүматлаштыру һәм элемтә министрлыгы, Сәнәгать һәм сәүдә, Төзелеш, архитектура һәм торак-коммуналь хуҗалыгы, ТР Эчке эшләр министрлыклары да җәлеп ителгән. "Әлеге ярышлар барлык министрлык, ведомстволардан югары әзерлек һәм дисциплина таләп итә", - дип искәртте министр.

    Тест ярышлары барышында оештыручылар эш­чәнлеген ФИСУның техник делегатлары, әле­ге спорт төрләренең халыкара федерацияләре экспертлары координацияли.

    Әлеге видеобрифингта катнашкан ФИСУның Студентларның дөнья чем­пионатлары дирекциясе җитәкчесе Пабло Ферейро Казанның тест ярышларын уздыруга әзерлегеннән канәгать калуын әйтте.

    Рафис Борһанов ассызыклавынча, 4-9 сентябрь көннәрендә спортчылар 34 комплект медаль өчен көрәшәчәк. Аларның яртысы шәхси, икенче яртысы команда ярышларында уйнатылачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: