Кайбыч таңнары
  • Рус Тат
  • Казандагы “Наз” фонды Президенты Кайбыч балаларына алар Кыш бабай сораган бүләкләрне җибәргән

    Кыш бабай бүләкләрен Кайбычка Казан шәһәренең ятим һәм инвалид балаларга ярдәм итүче "Наз" фонды Президенты Нурания Сафиуллина алып килде. Ул бүләкләрне балалар сәнгать мәктәбенең актлар залында инвалид, чит гаиләгә тәрбиягә һәм опекага алынган балалар катнашында узган Чыршы бәйрәмендә таратты.

    - Безнең фонд озак еллар дәвамында эшләп килә, менә алтынчы ел инде без Кайбыч балаларын да Яңа ел бүләкләре белән сөендерәбез. Аларның "Кыш бабайга открытка" акциясе буенча Кыш бабайга җибәрелгән хатларын "Метра" кибетендәге чыршыга эләбез. Киң күңелле кешеләр шул хатлар буенча бүләк алып, безгә китерә, без ул бүләкләрне балаларга җиткерәбез, - диде Нурания апалары бүләк тапшырганда.
    Бүләкләр арасында велосипед, уенчыклар, китаплар бар иде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: