Кайбыч таңнары

Кайбыч районы

Рус Тат
Хәбәрләр

Колаңгыда мәчет төзелеше тулы куәтенә бара

Колаңгы станциясендә күпмилләтле халык яши. Мәчет һәм часовня төзү мәсьәләсен җыелыш саен күтәрүләренә дә гаҗәпләнәсе юк: халкыбыз дингә тартыла, рухи яктан байый бара. Хәзер биредә мәчет төзелеше тулы куәтенә дәвам итә. Алга таба часовня да төзеләчәк.

Мәчет төзелеше турында сүз чыккач, оештыручылар иң элек банкта исәп-хисап счеты ача. Кем те­ли, шул изге эшкә үзен­нән өлеш кертә ала. Озак та узмый, беренче взнослар керә башлый. Бы­ел Ураза бәйрәме алдыннан булачак мәчетнең бурасын күтәреп куйдылар.

Төзелешне Чувашия Республикасының Комсомол районы Тукай авылыннан килгән төзүчеләр ал­ып бара.

- Мәчетнең нигез ташларын куеп, бурасын Гает бәй­рәменә кадәр үк кү­тә­реп куйган идек. Узган ат­нада яңадан эшли башладык. Мәчет - Аллаһ йор­ты салуыбыз белән горурланабыз. Хәзер бер-ике көннән түбә калае кайтачак, түбәсен япкач, манарасын урнаштырачакбыз. Идән, түбә такталары әзер, тәрәзәләргә дә заказ бирелгән, тирә-ягын җыештырасы, рә­шәт­кә тотасы гына кала. Төзелеш материаллары белән тоткарлык булмаса, бер атна эчендә эшне тө­гәлләргә исәплибез, - ди төзелеш бригадасы җитәкчесе Заһир Зарипов.

Колаңгы станциясендә яшәүче милләттәшләребезнең күптәнге хыяллары тормышка ашырга да күп калмаган.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Колаңгыда мәчет төзелеше тулы куәтенә бара