Кайбыч таңнары

Кайбыч районы

Рус Тат
Хәбәрләр

Районның 17 мәктәбе укучылары сыерчыкларны яңа оялар белән каршылый

Район мәктәпләрендә канатлы дусларыбыз - кошларны каршы алырга яз башыннан ук әзерләнә башлыйлар. 1 мартта район мәгариф бүлеге мәктәпләр арасында иң яхшы сыерчык оясына бәйге игълан иткән иде.

Һәр елны үткәрелүче әлеге бәйгегә 22 мартта район мәгариф бүлегендә нәтиҗә ясалды. Бу бәй­гегә районның 17 мәктә­бен­нән дә сыерчык оялары алып килгәннәр. Укучылар хезмәтенә бәяне мәктәп директорлары үз­ләре куйды. Якларга урын юк, чөнки алар оя­ларның кайсы мәктәптә эшләнүен белми. Сыерчык ояларына номерлар гына сугылган, авторлары күрсәтелмәгән.

Гомуми нәтиҗәләр буенча, 48 балл белән бәялән­гән 2 нче санлы оя иң яхшысы дип табылган. Ул районыбызның Зур Подберезье урта гомумбелем бирү мәктәбендә эш­ләнгән булып чыкты. Аны 1 класс укучысы Демид Чекмарев бабасы Анатолий Чекмарев ярдәмендә ясаган. Икенче урында- Олы Кайбыч мәктәбенең 1 класс укучысы Ришат Гаттаров. Аңа дәү әтисе Хәсбәт Заһидуллин булышкан. Өченче урында Кошман төп мәктәбенең 8 класс укучысы Мөнир Сабиров.

Бу ел Татарстан Республикасында Экологик куль­тура һәм әйләнә-тирә мохитне саклау елы буларак игълан ителгән иде. Шул уңайдан районыбыз мәктәпләрендә төр­ле чаралар, бәйге- конкурслар үткәрелә. Сыерчык оялары бәйгесе дә шул кысаларда узды

Башта әлеге конкурс мәк­тәпләрдә үтте, анда иң яхшысы дип табылган оя­лар район конкурсында катнашты.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: иң яхшы сыерчык оясына бәйгесе