Кайбыч таңнары
  • Рус Тат
  • Ульянковода “Ә безнең ишегалдында уеннар” дигән футбол ярышы үткәрелде

    Социаль хезмәтләрдән файдаланучы балалар, яшүсмерләр арасында "Спорт - син зур дөнья" акциясе кысаларында Ульянковоның мәктәп яны участогында "Ә безнең ишегалдында уеннар" дигән футбол ярышы үткәрелде. Уен "Гроза" һәм "Рубин" командалары арасында барды. Әлеге уенны халыкка комплекслы социаль ярдәм күрсәтү үзәге юристы Рушан Хәялиев оештырды.

    Ишегалды уеннары сәламәт яшәү рәвешен пропагандалау, балаларны ял итүнең пассив формаларыннан арындыру, хәрәкәтле уеннарга тарту максатында оештырыла. Бу уенда да үсмерләргә командаларының бердәмлеген, бер-берсе өчен янып йөрүләрен, уртак нәтиҗә өчен шәхси җаваплылык тоюларын, көндәшләре белән үзара дустанә мөнәсәбәтләрен күрергә туры килде. Саф һавада өч сәгать дәвам иткән уенда алар күңелле ял итте, сәламәтлекләрен ныгытты.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: