Элмә тактада хата булса, хәбәр бирегез, кайбычлылар

Бәйгене Галимҗан Ибраһимов исемендәге Тел, әдәбият һәм сәнгать институты белән берлектә Кеше хокуклары буенча вәкаләтле вәкил оештыра. Анда катнашу өчен uslugi.tatarstan.ru ТР Дәүләт һәм муниципаль хезмәтләр порталында теркәлергә яки “Халык контроле” мобиль кушымтасыннан файдаланырга кирәк. Хәбәр калдырасыгыз килсә, “Исем һәм язулардагы хаталар” категориясен сайлап, фотоматериалны урнаштырырга, адресны күрсәтергә кирәк, персональ мәгълүматларны эшкәртергә ризалык бирү сорала. Конкурс татар телен саклау һәм таныту, халыкның игътибарын элмә һәм мәгълүмати такта, топографик тамга, юл күрсәткечләре һәм торак йортларның игълан такталарындагы хаталарга җәлеп итү максатында уздырыла.