Кайбыч Сабантуенда хәйрияче балалар арасында ярыш үткәрде

Ат чабышының финал ярышлары башланыр алдыннан ел да бер урында уза ул. Ярышта 21 бала катнашты. Малайлар арасында Танайдан Илназ Закиров, көндәшләрен шактый артта калдырып, беренче килде. Кыр Буасы авылыннан Сергей Гаврилов - икенче, Танайдан Динар Садыйков өченче урында. 

Кызлар арасында Федоровское авылыннан Арина Алексеева беренче булып финиш сызыгын үтте, аның җиде яшьлек сеңлесе Полина өченче урында. Ә икенче урынны Олы Урсактан Азалия Мөхәммәтҗанова алды. Хәйрияче абыйлары ярышта катнашкан барлык балага да акчалата призлар тапшырды.