Кайбыч укучылары ГТО нормалары тапшырды

7 сентябрьдә Олы Кайбычтагы “Салават күпере” спорт- сәламәтләндерү комплексында ГТОның җәйге фестивале үтте. Укучылар дүрт яшь категориясендә көч сынашты: 9-10 яшь (2 баскыч), 11-12 яшь (3 баскыч), 13-15 яшь (4 баскыч) һәм 16- 17 яшь (5 баскыч). Шунысы куанычлы, бәйгедә барлык 17 мәктәптән йөздән артык укучы катнашты. Бу көнне алар пневматик винтовкадан ату, алга иелү, турникта тартылу, отжимание ясау, озынлыкка сикерү, гәүдәне күтәрүдә һәм йөгерүдә җитезлекләрен күрсәтте. Төрле дистанцияләргә йөгерү, йөзү буенча ярыш¬лар 21 һәм 28 сентябрьгә планлаштырылган.Анда шәхси һәм команда беренчелегендә җиңүчеләр, призлы урыннарга чыгучылар билгеләнәчәк.